पंचप्राण !!
by Vikasini Chavan on Monday, September 5, 2011 at 10:32am
तू जवळ नसताना तूच असशीजवळी रे
तू जवळ असताना हृदयात वसशी तूच रे
जवळ काय, दूर काय मी तुझे हृदयच रे
साठवशील किती जीवाचे नाजूक पंचप्राण रे
आरशातील प्रतिमा नाही मी मनातील मूर्त रे
चेहरा माझा गवसणे तुला नाही शक्य रे
हृदय माझे तूच अन मी तुझी मुर्त रे
शोधिसी फुका जळि ,स्थळि ,कष्टी, पाषाणी रे
साठवतान तुला हृदयात हरवेल माझे मी पण रे
अनाहूत या भीतीने गतप्राण होई पंचप्राण रे !
विकासिनी !!
