पालवी !!
by Vikasini Chavan on Wednesday, August 10, 2011 at 10:06am
करपलेल्या या माझ्या आयुष्यात
वसंत तू उगीच आणू नकोस
नारळाच्या या करवंटीत
पाणी उगीच तू शोधू नकोस
तहान तुझी भागणार नाही
कोरड्या झाल्या इथल्या विहिरी
हृदय हि कोरडे पाषाण झाले
त्यावर आता जखमा होत नाहीत
घायाळ होईल तुझे हृदय
माझ्याच्याने पहावणार नाही
हृदयाचा बांध फुटला तर
आता मी लिम्पू शकणार नाही
करपलेल्या या आयुष्याला
आता पालवी फुटणार नाही !!
विकासिनी !!