निसर्गातील मी हि एक लाल बावटा आहे !!
by Vikasini Chavan on Monday, July 18, 2011 at 8:50pm
माझ्या जीवनातील मूक साक्षीदार आहे
माडांच्या रांगा कल्पवृक्ष्या सारख्या
माझ्या सोबतीला हजर आहे
दारातील पारिजातकाचा सडा
माझ्या सकाळची सुरुवात आहे
कोकिळकंठी मधुर गीत
माझ्या प्रियेचा हुंकार आहे
पहाटेचा पाखरांचा किलबिलाट
माझ्या अस्तित्वाचा धागा आहे
रजनिगन्धाच्या फुलांनी
हृदय माझे फुलले आहे
जाई जुई कुन्दाच्या वेलींनी
मला आलिंगन दिले आहे
शुभ्र दंतपंक्ती वेंगाडून
त्या माझी थट्टा करीत आहे
सूर्य चंद्र उन पाऊसा ने
न चुकता हजेरी माझी घेतली आहे
कोण म्हणते मी एकटा आहे
परसातील कदंब वारसा हक्काने
स्थावरा सारखी माझी साथ देत आहे
माझा वर्षा वसंत शिशिर ग्रीष्म
त्या सर्वांनी पहिला आहे
निसर्गाला मी माझ्या घरी
भेटायला बोलावले आहे
त्याचाच बागेतील चार फुले
त्याचाच साठी आणली आहेत
निसर्ग आपल्या जीवनात
एक सुरेल बोलपटच आहे
कोण म्हणतो मी एकटा आहे
निसर्गातील मी हि एक लाल बावटा आहे
विकासिनी !!
No comments:
Post a Comment