विडंबना !!
by Vikasini Chavan on Thursday, December 1, 2011 at 5:02pm
मला कळतच नाही हे लोक
देवळात जावून काय मागतात ?
माणसातील माणुसकीला जाळून
देवळात जावून श्राद्ध करतात
माणुसकीच्या नरडीचा घोट घेवून
देवळात चपला काढायला का जातात ?
माणुसकीचा क्रूर बळी घेवून
देवासमोर उभे कसे राहू शकतात ?
मला कळतच नाही हे लोक
देवाशी खोट कस बोलतात ?
हृदय गहाण ठेवून देवाच्या
चरणी दंडवत कसे घालतात ?
एक गुन्हा लपवायला शंभर
गुन्ह्याचा वाली कसे होतात ?
देव यांना बघून हसत असतो तरी
देवाकडे बघून हे फिदीफिदी कसे हसतात ?
विकासिनी !!
No comments:
Post a Comment