नक्षत्रगीत !!
by Vikasini Chavan on Sunday, December 18, 2011 at 11:33pm
सरला तो चांद पुनवेचा
उरली ती शुक्राची चांदणी
भिनला तो पहाटवारा चंद्राला
भुलली ती चांदणी शुक्राची
उरली ती प्रीत नक्षत्रांची
झुरला तो ध्रुव नक्षत्रतारा
चांदव फुलांचा चांदव झुला
चांदव ताऱ्यांचा नक्षत्रदिवा
सरल्या रात्रीचा सरला चांदवा
मंत्रमुग्ध मखमली हा गारवा
ती धुक्याची शाल दाट झाली
नयनी निशेचे अंजन घालून आली
प्रीतरसात शुक्राची चांदणी न्हावून आली
उषकालचे सिंदूर लेवून आली
नक्षत्रगीत गात बघ आली
विकासिनी !!
No comments:
Post a Comment