श्रावण झुला !!
by Vikasini Chavan on Saturday, July 23, 2011 at 6:13pm
सरी वर सरी पावसाच्या धरुनी
घेवून भरारी दऱ्या डोंगरी
बांधून उंच आकाशी श्रावण झुला !!
त्याच सरिंची घसरगुंडी करुनी
पोहचुनी इंद्रधनुच्या कमानी
पाहण्या सप्तरंगी श्रावण झुला !!
वृक्ष वल्लींचा गोफ बंधूनी
फुला फुलांचे ताटवे गुंफुनी
झुलावा हरित श्रावण झुला !!
हिंदोळ्यावर मन तरंगाच्या
सुख दुखाच्या आकाशी घ्यावा
खुशाल सुखाचा श्रावण झुला !!
विकासिनी !!
No comments:
Post a Comment