माझी माय !! by Vikasini Chavan on Saturday, July 30, 2011 at 1:23am माझी माय !!

माझी माय !!

by Vikasini Chavan on Saturday, July 30, 2011 at 1:23am

माझी माय !!
चंदनापरी झिजते आहे
संसार होळी मध्ये जळते आहे
संसाराच्या घासा घाशीत
हात तिचे फाटले आहेत
रोजच्याच तव्याचा चटक्यांनी
 काळीज तिचे डागले आहे
हातावरील चाकूच्या व्रणानी
नशिबाच्या रेषा बदलल्या आहेत
मूक भावनांची मुस्कटदाबी
रोजचीच अशी चालू आहे
आसवांच्या तिच्या  रोजचेच
मैलाचे  दगड झाले आहेत
संसाराच्या फाटक्या झोळीचे
 दान तिच्या पदरात आहे
दया क्षमा शांतीची दोरी
 तिच्याच  हातात आहे !!
भल्या बुऱ्या संसारात
ती मात्र एकटीच आहे
अग्निदिव्य  संसाराचे
रोज नवे झेलते आहे
एकटीच कटावरी आपल्या
 घाघर प्रेमाची पेलते आहे
संसाराच्या चार गाठी
उसवून रोज शिवते आहे
अंधारलेल्या  खिन्न मनाने
तीन्हीसांजेचा दिवा लावते आहे
तिच्या कमनशिबी मात्र
फक्त  घनघोर अंधारच आहे
विकासिनी !!