चूल माझी का फितूर झाली??
by Vikasini Chavan on Thursday, August 4, 2011 at 7:07pm
चूल माझी का फितूर झाली ?
संसार अर्धा झाला होता
ओली लाकडे जळता जळता
हात पोळले अर्ध्या संसारात
प्रीत माझी का काफिर झाली
संसार अर्धा बाकी होता
चूल माझी का फितूर झाली ??
फुंकणीच्या फुंकार्याने
राख साऱ्या घरभर झाली
अर्ध्या संसारात माझ्या
पोरा बाळाची वाताहत झाली
अर्ध्या विझल्या निखाऱ्यासारखी
अर्धी माझी अवस्था झाली
स्वयंपाक अर्धा बाकी होता
चूल माझी का फितूर झाली ??
विकासिनी!!
No comments:
Post a Comment