घर - घर !
by Vikasini Chavan on Thursday, August 4, 2011 at 10:01am
घर म्हणजे दगड मातीचा डोलारा नसावा
हृदयात गोड प्रेमाचा निर्मल झरा असावा
घर म्हणजे कुटुंबातील माणसे नसावी
माणसातील नात्याला माणुसकी असावी
घर म्हणजे नुसताच छपराचा आधार नसावा
घरातील माणासांना नात्याचा आधार असावा
घर म्हणजे नुसता केरकचरा नसावा
घासून पुसून स्वच्छ केलेला दिवा दिसावा
घर म्हणजे रामागडीचा पसारा नसावा
घराचा रामागडी पण घरातला वाटावा
घर म्हणजे कळकट संसार नसावा
तांदळा सारखा पारदर्शक गिलावा असावा
घर म्हणजे रुक्ष वाळवंट नसाव
एक तरी तुळशीचा रोप घरासमोर असाव
घर म्हणजे अंधाराचं साम्राज्य नसाव
एका तरी दिव्याचा घरात राज्य असाव !!
विकासिनी !
No comments:
Post a Comment